A Bienal de Arte de Pontevedra establece sinerxias culturais con Portugal
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/7f3/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/66b35c6944-20240807_rafa-dominguez_bienal-vilanova-de-cerveira-3-.jpeg)
© Deputación de Pontevedra
A recente reactivación da Bienal de Arte de Pontevedra, que volverá na súa edición número 32 o vindeiro 2025, ten captado a atención de importantes eventos artísticos a nivel internacional.
A máis recente foi a Bienal de Vilanova de Cerveira, que está mostrando un notable interese en colaborar e establecer sinerxías, polo que o vicepresidente da Deputación de Pontevedra, Rafa Domínguez, visitou a cita cultural portuguesa a pasada fin de semana.
A recuperación da Bienal vai en liña co obxectivo do goberno provincial de converter a Pontevedra nunha cidade da cultura e nun referente nacional e internacional. Este evento cultural foi unha parte importante da identidade cultural da nosa cidade durante moitos anos e agora, co obxectivo de revitalizar e promover as artes.
A Bienal de Arte de Pontevedra volve grazas ao compromiso do vicepresidente provincial e será "un evento cultural vangardista e inclusivo, destinado a poñer en valor a diversidade artística", dando voz a artistas emerxentes e establecidos de todas as orixes e enfoques artísticos.
Desde o anuncio da súa volta, esta nova cita pontevedresa coa cultura suscitou un grande interese a nivel internacional, chamando a atención, entre outros, de encontros de gran renome a Bienal de Vilanova da Cerveira, que estendeu unha invitación a Rafa Domínguez para asistir a estes eventos.
Desta maneira, o vicepresidente provincial mantivo unha reunión coa directora da mostra, Helena Mendes, na que falaron das posibles sinerxías e colaboracións futuras entre esta cita cultural e a Deputación. Domínguez aproveitou tamén para invitar á cita cultural do país veciño á participar na XXXIII Bienal de Arte de Pontevedra, prevista para o próximo 2025.
Rafa Domínguez explicou que o obxectivo é crear sinerxías entre diferentes citas culturais internacionais e a Bienal de Arte de Pontevedra, como a opción de irmandar as citas de Pontevedra e Vilanova da Cerveira, e beneficiarse así de todas as oportunidades que suporía establecer unha colaboración directa, creando vínculos e zonas de contacto entre ambos eventos.
Relacionadas:
-
O artista francés Patrice Warrener "coloreará" o santuario da Peregrina
Por Oskar Viéitez & Cristina Saiz |
-
A artista greco-exipcia Farida El-Gazzar tamén participará na Bienal da Deputación
Por Redacción |
-
O pintor Francesc Torres participará na Bienal de Arte da Deputación
Por Redacción |
-
As caixas nas que se transportan as obras de arte inspiran a imaxe para a Bienal de Pontevedra
Por Oskar Viéitez |
-
A Bienal, a apertura dos xardíns de Santa Clara e avanzar na reforma dos edificios centrais do Museo, retos de Rafa Domínguez
Por Mónica Patxot & Anxo Lourido |
-
A mirada dos artistas ante a guerra será o "relato" da recuperada Bienal de Arte
Por Alejandro Espiño & Mónica Patxot |