Café Quijano protagonizará o concerto do sábado 17 de agosto en Vilagarcía
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O Concello de Vilagarcía de Arousa continúa anunciando os concertos previstos para as Festas de San Roque.
O recoñecido grupo leonés Café Quijano será o protagonista do concerto previsto para o sábado 17 de agosto, un día despois da Festa da Auga (venres 16 de agosto) e un antes da actuación de Anni B Sweet (domingo 18 de agosto).
Como o resto dos recitais confirmados -Guadi Galego o mércores 14 e Antonio Carmona o martes 20-, o dos irmáns Quijano comezará ás 22:30 horas no parque da Xunqueira e terá carácter gratuíto.
Café Quijano, unha banda histórica na música española, destaca polos seus éxitos internacionais en dous estilos musicais distintos: o pop rock e o bolero.
Na súa traxectoria, colaboraron con artistas de renome como Celine Dion, Carlos Santana, Armando Manzanero, Herbie Hancock, Black Eyed Peas e Joaquín Sabina, entre outros.
O grupo leonés é coñecido por acadar os primeiros postos en vendas e ser recoñecido con prestixiosos premios internacionais, incluído o "Grammy Award".
A súa triloxía "Orígenes: el bolero" obtivo múltiples nomeamentos aos "Latin Grammy" nas categorías de "Gravación do Ano", "Álbum do Ano", "Mellor Álbum de Pop Tradicional" e "Produtor do Ano".
Relacionadas:
-
A ópera soará nas Festas de San Roque cun tributo a Pavarotti e a Montserrat Caballé
Por Redacción |
-
Cita con 'Barbie' ás 22:00 horas nos xardíns de Ravella
Por Oskar Viéitez |
-
Antonio Carmona, vocalista de Ketama, novidade das Festas de San Roque 2024
Por Anxo Lourido |
-
Anni B Sweet ofrecerá un dos concertos das Festas de San Roque en Vilagarcía
Por Redacción |
-
Guadi Galego, primeiro concerto confirmado para as Festas de San Roque de Vilagarcía
Por Redacción |