Volve Festivalle para "manter o legado dun dos grandes autores da literatura española”
Por Redacción
“Unha tempada máis apostamos pola calidade da programación, o que converte o Festival de Teatro Festivalle nun referente nacional". Son palabras de José Luis Méndez Romeu, director artístico deste evento que por terceira edición acolle Vilanova e está organizado pola Asociación Amigos de Valle Inclán en colaboración co Concello de Vilanova, Deputación e Xunta.
Ademais do curso de verán na capela da Pastoriza, as visitas guiadas e as representacións teatrais diarias este ano A Pastoriza acollerá unha instalación artística firmada por Marta Iglesias, Fito Barcía e Juan Fernando de LaIglesia.
As representacións arrincarán coa compañía Atalaya e 'Divinas palabras', o martes ofrecerase 'Hasta aquí hemos llegado' a cargo da compañía La Quimera de Plástico e ao día seguinte a compañía Hambre y Miseria poñerá en escena 'Luces de bohemia'. 'Ligazón' da compañía Tribueñe será a que complete estas actuacións que comezarán ás 20.00 horas no Auditorio de Vilanova. As entradas están a venda en ataquilla.com
Relacionadas:
-
O Festivalle consolídase e atrae máis de 3.000 persoas a Vilanova na súa terceira edición
Por Redacción |
-
Sen entradas para a primeira obra do Festivalle
Por Redacción |
-
'Lume' recolle en Vilagarcía o drama dos incendios forestais
Por Redacción |
-
A banda británica Onslaught encabeza o Alén Metal Fest de Vilagarcía
Por Redacción |