Marlena e Grande Amore completan o cartel do festival Son Rías Baixas
Por Redacción
Dúas últimas novidades completarán o cartel do SonRías Baixas, que se celebrará en Bueu entre os días 1 e 3 de agosto. Trátase de Marlena e de Grande Amore. Ambos serán os protagonistas da tradicional sesión vermú do último día do festival.
O dúo formado por Ana e Carolina chega ao recinto de As Lagoas despois de converterse nunhas das bandas revelación da tempada grazas ao seu pop fresco e que conta historias cotiás de amor e desamor. No seu repertorio soarán "Amor de verano", "Me sabe mal" ou "bailamorena".
Pola súa banda, Grande Amore volve tras poñer patas arriba o seu escenario e ao público na súa actuación da pasada edición, cun selo único que aborda desde os sintetizadores ao back metal, o punk ou o rock industrial, nun resultado totalmente xenuíno e inclasificable.
Esta edición, que tras estas últimas confirmacións estará formada por 25 artistas, chega con La Oreja de Van Gogh, Tanxugueiras, Rozalén, Ginebras, Álvaro de Luna ou Rayden, nunha aposta da organización para tratar de cambiar a tendencia marcada pola industria musical.
Buscan así un protagonismo das bandas lideradas e formadas por mulleres como nomes principais do cartel, pero tamén se mantén unha forte representación da escena musical galega, con nomes como Fillas de Cassandra, Mondra, Sabela, The Rapants ou Tanxugueiras,
A todos eles, súmanselles as interesantes propostas de Chef’Special, La La Love You, Anabel Lee, Cool Nenas, Emlan, Gilipojazz, Inés Hernand, La Elite, Morochos, Mr. Kilombo, Muerdo, Sexy Zebras e Travis Birds, servindo de altofalante para coñecer novas propostas musicais.
A distribución de artistas que participarán nesta vixésimo primeira edición é a seguinte:
Xoves 1: La Oreja de Van Gogh, Álvaro de Luna, La La Love You, Anabel Lee, Morochos, Sabela e Sexy Zebras.
Venres 2: Rozalén, Chef'Special, Fillas de Cassandra, Travis Birds, Cool Nenas, Gilipojazz, La Élite y Muerdo.
Sábado 3: Tanxugueiras, Rayden, Ginebras, The Rapants, Emlan, Grande Amore, Inés Hernand, Marlena, Mondra y Mr. Kilombo.
Relacionadas:
-
La Oreja de Van Gogh, un arranque apoteósico para o SonRías Baixas de Bueu
Por Redacción |
-
Preparado o eclecticismo de La Oreja de Van Gogh, Rozalén e Tanxugueiras para asaltar o SonRías Baixas
Por Redacción |
-
"Tiro de saída" para os Rías Baixas Fest, que se abren á incorporación de novos festivais
Por Alejandro Espiño |
-
La Oreja de Van Gogh e Álvaro de Luna abrirán un SonRías Baixas que pecharán Tanxugueiras y Rayden
Por Redacción |
-
La Oreja de Van Gogh, Tanxugueiras, Rozalén, Ginebras, Álvaro de Luna ou Rayden, no SonRías Baixas 2024
Por Alejandro Espiño |
-
O SonRías Baixas xa ten datas para 2024: do 1 ao 3 de agosto
Por Redacción |