Ismael Serrano regresa a Pontevedra en novembro con "La canción de nuestra vida"
Por Redacción
La canción de nuestra vida é o novo espectáculo do cantautor madrileño Ismael Serrano. Con el regresará a Pontevedra o próximo outono.
Será o 22 de novembro, ás 20:30 horas, no auditorio de Afundación.
Nesta xira, segundo explican os organizadores, Ismael Serrano ofrece á audiencia "unha nova experiencia musical, fuxindo do recital convencional e profundando na aposta teatral" que xa adiantou en anteriores espectáculos.
Farao cun show cheo de poesía, no que o artista convida o público a gozar do privilexio de escoitar, ademais dos seus éxitos de sempre, cancións inéditas.
As entradas para este concerto, que saíron á venda desde 28 euros, xa se poden adquirir a través da plataforma ataquilla.com.