![](/web/cache/scene/uploads/fotos/foto/57d/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/6655d7282c-22-538856-.jpeg)
© Concello de Pontevedra
Novos Cinemas, Ambienta e o Cineclube colaborarán coas actividades dos Premios Feroz
![Alejandro](/web/cache/scene/uploads/xornalistas/foto/dee/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/5624216432-20150128-patxot-alex-espino-002.jpg)
Por Alejandro Espiño
Pontevedra quere que os Premios Feroz, que acollerá a cidade os anos 2025 e 2026, sexan o "mellor escaparate" para visibilizar o peso do sector audiovisual en Galicia e para situar a Boa Vila como referente dunha cidade "creativa, aberta e de vangarda".
Con ese fin, o goberno municipal desenvolverá xuntanzas co tecido asociativo e cultural da cidade co cinema como protagonista para que colaboren no intenso programa de actividades que, a partir do mes de outubro, conectará a industria audiovisual coa cidadanía.
Os primeiros en aceptar este reto foron os representantes dos festivais e ciclos de cine que se celebran en Pontevedra, o festival Novos Cinemas, a Mostra Internacional de Cinema LGBTIQA+ Ambienta e o Cineclube Pontevedra.
Todos eles, segundo informa o Concello, "mostraron un grande interese en sumarse a esta iniciativa" tras dialogar co alcalde, Miguel Anxo Fernández Lores, e os edís Anabel Gulías e Demetrio Gómez, responsables de promoción económica e cultura.
Durante as próximas semanas continuarán desenvolvéndose máis reunións informativas cos sectores cultural, empresarial, educativo, asociativo ou audiovisual.
O obxectivo é afondar no coñecemento da industria audiovisual e da creación e xerar sinerxías empresariais e económicas ligadas ao sector no marco da celebración dos premios.
Relacionadas:
-
Un encontro con Omar Banana complementará as proxeccións da cuarta edición de Ambienta
Por Alejandro Espiño |
-
Membros do sector audiovisual galego avanzan co Concello en propostas vencelladas aos Premios Feroz
Por Mónica Patxot & Redacción |
-
Lores mantén reunións co sector cultural e creativo da cidade para informar sobre os Premios Feroz
Por Redacción |
-
María Guerra, sobre os Premios Feroz: "É unha honra vir a Pontevedra. Fainos moita ilusión. É unha cidade moi humana"
Por Alejandro Espiño & Mónica Patxot |
-
Pontevedra despregará a 'alfombra vermella' para acoller os Premios Feroz
Por Alejandro Espiño & Mónica Patxot |