25 anos da Illa das Esculturas dan lugar a unha revisión do Consello da Cultura Galega
Por Redacción
As obras de Richard Long, Dan Graham, Francisco Leiro, lrich Rückriem, Fernando Casás ou Anne & Patrick Poirier, entre outros artistas de nivel internacional, eran inauguradas en xullo de 1999 na Illa do Covo, que asumía a denominación da Illa das Esculturas.
Con motivo do 25 aniversario daquel acontecemento, a Sección de Creación e Artes Visuais Contemporáneas do Consello da Cultura Galega (CCG) levará a cabo unha xornada de análise sobre a situación deste espazo artístico e natural co paso dos anos.
Antón Castro será un dos relatores como un dos principais valedores do proxecto artístico xunto a Rosa Oliveirais. O xornalista Ramón Rozas será o encargado de coordinar este evento que se iniciará ás 17.00 horas deste mércores 29 na Casa das Campás.
Desenvolverase unha mesa redonda na que participará Antón Castro, comisario da exposición; Fernando Casás, un dos creadores; a artista Soledad Penalta; e Paula Cabaleiro, comisaria da exposición e xestora cultural.
Todo o acto será gravado para posteriormente subirse ás redes sociais e á web do CCG. A entrrada é libre para todo o público interesado.
A xornada inclúese na liña de traballo de observación da realidade do sistema artístico actual que mantén a Sección de Creación e Artes Visuais Contemporáneas do CCG.
Relacionadas:
-
O PSOE quere ampliar o parque escultórico da Illa das Esculturas con novas artistas e ceder as obras ao Museo
Por Oskar Viéitez |
-
Antón Castro, comisario da Illa das Esculturas, no 25 aniversario: "Provócame un sufrimento terrible vela así"
Por Mónica Patxot & María José Pita |
-
A tráxica historia do único artista que se negou a visitar a súa obra na Illa das Esculturas
Por María José Pita & Mónica Patxot |