Guadi Galego e Dakidarría, primeiros nomes para a oferta musical das Festas de Verán
Por Alejandro Espiño
A través das redes sociais, o Concello de Pontevedra anunciou o nome das dúas primeiras actuacións musicais que formarán parte da programación das Festas de Verán de Pontevedra, que encherán de actividade a cidade nos meses de xullo e agosto.
Así, Guadi Galego será unha das protagonistas do ciclo Con voz de muller, que volverá reunir a grandes voces femininas da música galega e nacional. No seu caso, actuará en Pontevedra o mércores 31 de xullo.
A artista de Cedeira, que xa estivo en Pontevedra o pasado mes de abril co seu espectáculo Síntese Horizonte, regresará á cidade do Lérez para repasar os grandes éxitos dunha carreira que, ademais dos seus traballos con Berrogüetto, inclúe xa seis discos en solitario.
No Festixeve, que se celebrará como é habitual no Campo de Vilar de Fragoso, actuará a banda Dakidarría. Será o venres 2 de agosto, segundo confirmou o goberno municipal.
A banda, popular pola súa fusión de ska, reggae, ritmos urbanos e punk-rock, presentarán o directo o seu novo disco, XX, co que celebran os seus vinte anos de traxectoria musical.
Relacionadas:
-
Lontreira e Dakidarría animarán o Festixeve, que volverá a Fragoso os primeiros días de agosto
Por Alejandro Espiño |
-
Malvela, nova incorporación a Con voz de muller: actuará en Pontevedra o 4 de agosto
Por Alejandro Espiño |
-
Urbana Monte Porreiro 'ficha' o rapeiro Foyone para a súa edición deste ano
Por Alejandro Espiño |
-
Pimpinela salda a súa débeda con Pontevedra e actuará o 18 de agosto nas Festas da Peregrina
Por Alejandro Espiño |
-
O pop de Nil Moliner soará en Pontevedra durante as Festas da Peregrina
Por Alejandro Espiño |
-
O vindeiro luns abren as inscricións para participar no Ponte Verán
Por Oskar Viéitez & Mónica Patxot |
-
O Concello de Pontevedra destina 193.842 euros a fogos artificiais, de lucería e de ruído
Por Oskar Viéitez |
-
Guadi Galego pecha no Teatro Principal a súa xira de concertos
Por Cristina Saiz |