La Quinkillada e Festicultores, primeiras confirmacións para o regreso do Armadiña Rock
Por Redacción
O regreso do Festival Armadiña Rock, que celebra os días 26, 27 e 28 de xullo a súa nova edición despois do parón do ano pasado, xa ten as primeiras confirmacións.
A XV edición terá un cartel integramente en galego e as dúas primeiras bandas anunciadas son La Quinkillada, que xa actuou neste festival, e Festicultores, que se estrea.
O formato da XV edición do festival sufrirá uns pequenos cambios, debido a diferentes "coios" que a organización atopou no camiño durante estes últimos meses. Así, explican que o Concello de Poio continua a colaborar co festival, pero retirou o patrocinio principal, algo que lles afectou "negativamente".
Manteranse as actuacións de sábado e domingo, pero o venres sufrirá unha redución na súa programación por falta de financiamento.
O venres 26 celebrarán a volta ás súas orixes con tres grandes actuacións que permitirán "establecer un contacto man a man con todas as festivaleiras que estabades agardando a nosa volta".
A ACDeM Armadiña promete que intentará "por todos os medios posibles" facer un festival que estea a altura da veciñanza e asistentes, pero tamén sinala que precisa "moita axuda por parte de todas e todos" para seguir sendo un dos maiores festivais de balde referentes en Galicia e, para iso, puxeron en marcha unha recadación de fondos da que se darán máis detalles nas próximas semanas.
Dende a ACDeM Armadiña dan as grazas ás bandas e produtoras participantes desta edición "por arrimar o ombreiro" e ás empresas de Poio e patrocinadores e colaboradores "por un apoio imprescindible que este ano o será aínda máis".
Relacionadas:
-
Xa está aquí o Armadiña Rock, un festival "100% galego" e con pegada artesanal
Por Redacción |
-
Dous 'Puntos Lilas' ofrecerán seguridade durante o Armadiña Rock
Por Redacción |
-
Lontreira, Dios Ke Te Crew, Sonoro Maxín ou The Skarnivals dan forma ao cartel do Armadiña Rock
Por Alejandro Espiño |
-
A aula de informática da Reiboa programa oito cursos gratuítos de alfabetización e competencias dixitais
Por Redacción |
-
A finais de xullo resucitará o Armadiña Rock
Por Cristina Saiz & Anxo Lourido |
-
Este ano non haberá Armadiña Rock
Por Oskar Viéitez |
-
Brincos eléctricos na apertura do Armadiña Rock
Por Cristina Saiz & Anxo Lourido |