Unha gran gala de maxia brillará este domingo no Salón do Libro Infantil e Xuvenil
![](/web/cache/scene/uploads/fotos/foto/cc8/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/65e4245aa0-20240302-saiz-recinto-ferial-salon-libro-sabado-020.jpg)
© Cristina Saiz
![](/web/cache/scene/uploads/fotos/foto/d90/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/65e4245c56-20240302-saiz-recinto-ferial-salon-libro-sabado-039.jpg)
© Cristina Saiz
Dinosauros ilustrados por Rena Ortega; unha sesión de contos con Pavís Pavós; un dobre encontro de contos para bebés con Sherezade Bardaji; música e historias con Migallas Teatro; relatos para bebes con Alicia Molina; un taller gastronómico con Reviravolta e outro de ilustración a cargo de La Platanera; ademais da maxia dos videoxogos co MUVI son as propostas que o Salón do Libro Infantil e Xuvenil presentan este domingo 3 de marzo no Pazo da Cultura dentro da programación deste evento que alcanza xa a súa 25 edición.
Tamén se ofrece a proxección de 'Mironins', cinema infantil da man do Cineclube Pontevedra no Teatro Principal cunha película que xoga coas creacións do artista Joan Miró. Será a partir das 12.00 horas.
O punto culminante da xornada chegará ás 19.00 horas no auditorio do Pazo da Cultura coa Gran Gala de Maxia destinada ao público familiar con entradas a un prezo de tres euros.
O Mago Paco é o encargado de reunir aos mellores meigos infantís de España para ofrecer un espectáculo fascinante repleto de humor e con sorpresas constantes.
Ao escenario subiranse Joshua Kennet, Lore Lavand, o Mago Rafa, Dani Polo e o propio Meigo Paco que farán unha demostración das posibilidades do ilusionismo para captar a atención de nenos e adultos.
Obradoiros no Salón do Libro Infantil e Xuvenil 2024
O Pazo da Cultura acolle diferentes propostas para o público infantil e familiar durante a fin de semana
© Cristina Saiz