O Cineclube Pontevedra proxectará os últimos traballos de Justine Triet e de Aki Kaurismäki
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O Cineclube Pontevedra comeza o ano 2024 coa proxección de dúas agardadas novidades: os últimos traballos da francesa Justine Triet e do finlandés Aki Kaurismäki, que foron respectivamente Palma de Ouro e Premio do Xurado na pasada edición do Festival de Cannes.
O da francesa, "Anatomía dunha caída", será o martes 16 de xaneiro. Este filme vén de ser galardoado nos Globos de Ouro cos premios ao mellor guión e ao mellor filme de fala non inglesa.
A película do martes 23 de xaneiro é menos coñecida mais sen dúbida un dos grandes filmes do ano 2022 é "Xeografías da soidade", da canadense Jacquelyn Mills, unha poética e máxica viaxe á illa de Sable (Canadá) a través dos ollos da súa única habitante humana.
Para o martes 30 está programada "Fallen leaves" de Aki Kaurismäki.
As proxeccións do cineclube realízanse os martes no Teatro Principal de Pontevedra, con comezo ás 20:30 horas. Todas as sesións son proxectadas en versión orixinal subtitulada. Tanto o filme de Justine Triet coma o de Aki Kaurismäki contará con subtítulos en galego.
Relacionadas:
-
O Cineclube Pontevedra dedicaralle o mes de abril á libanesa Jocelyne Saab e ao finlandés Aki Kaurismäki
Por Oskar Viéitez |
-
Cineclube Pontevedra dedica o mes de marzo a Víctor Erice
Por Oskar Viéitez |
-
'Incrible pero certo' e 'Fumar provoca tose', as delirantes propostas do Cineclube Pontevedra para febreiro
Por Redacción |
-
A aclamada "Anatomía dunha caída" chega ao Cineclube
Por Redacción |
-
"O sol do futuro", a última película de Nanni Moretti, chega a Pontevedra a través do Cineclube
Por Redacción |
-
Irán e Italia protagonizan a oferta do Cineclube Pontevedra para este outubro
Por Redacción |