Novo éxito de Sete Espadelas ao acadar os Premios de Investigación Antonio Fraguas na XXVI edición
Por Anxo Lourido
A asociación pontevedresa Sete Espadelas lograba esta semana novos galardóns na súa premiada traxectoria ao obter os Premios de Investigación Antonio Fraguas na vixésimo sexta edición deste certame.
José Luis Rodríguez e David Quiñones, responsables do colectivo, obtiñan dous Premios de Investigación do Traxe Galego Antonio Fraguas, que organiza o Concello de Santiago nunha gala celebrada no Pazo de Raxoi coa presidencia da alcaldesa Goretti Sanmartín.
Rodríguez presentaba o traballo titulado 'Glosario ilustrado do traxe tradicional galego', que obtiña o premio descritivo, mentres que David Quiñones Vázquez participaba con 'De lonxe ata Galicia: as influencias de fóra no traxe tradicional galego' e recibía o premio na súa modalidade analítica.
Sete Espadelas obtivo trece premios durante a súa traxectoria deste certame e máis de cincuenta galardóns no Día do Enxalzamento do Traxe Galego en Santiago.
A Asociación Etnográfica Sete Espadelas desenvolve numerosas actividades relacionadas co traxe tradicional de Galicia e José Luis Rodríguez e David Quiñones foron os comisarios durante este 2023 da exposición 'Ruth Matilda Anderson. Fragmentos de onte', que se moveu polas cidades de Vigo, Santiago e Lugo logrando máis de 30.000 visitantes.
Fotografías: Emi Ramírez
Relacionadas:
-
Mostra de mantóns antigos para que os estudantes coñezan a riqueza etnográfica galega
Por Redacción |
-
Dez vestimentas históricas galegas chegan aos escaparates do comercio local
Por Redacción |
-
A exposición sobre a vestimenta tradicional galega dos anos 20 bate récords de visitantes no Museo
Por Redacción |
-
Sete Espadelas amosa en Barro a influencia do Camiño nos traxes tradicionais
Por Redacción |
-
O Edificio Castelao abre as súas portas para gozar da exposición de Ruth Matilda Anderson
Por Redacción |