Culturgal desborda o Recinto Feiral mostrando a boa saúde da cultura galega
![](/web/cache/scene/uploads/fotos/foto/b6f/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/656b713526-20231202-saiz-recinto-ferial-feria-culturgal-sabado-028.jpg)
© Cristina Saiz
![](/web/cache/scene/uploads/fotos/foto/0e6/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/656b713675-20231202-saiz-recinto-ferial-feria-culturgal-sabado-039.jpg)
© Cristina Saiz
Concorrida segunda xornada de Culturgal este sábado no Recinto Feiral de Pontevedra.
Ao longo de todo o día a Feira das Culturas Galegas recibiu milleiros de visitantes para participar nalgunhas das máis de 200 actividades programadas ao longo da fin de semana, ademais de comprobar a oferta dos máis dun cento de expositores.
Todo un escaparate da cultura galega completado con cinco escenarios dedicados á literatura, a música, as artes escénicas, a programación infantil ou a arte, ademais de áreas dedicadas aos videoxogos ou aos cómics.
Entre as actividades destacadas da programación deste sábado 2 de decembro figuraban concertos de Silvia Penide ou Ailá, contacontos infantís, ciclos ilustrados de arte, sesións de poesía ou charlas sobre cinema ou a situación da industria musical galega, entre outros actos.
A guinda poñíaa no Pazo da Cultura uno dos pratos fortes na programación da presente edición de Culturgal, o concerto de Leilía nun dos últimos recitais previstos na súa xira de despedida dos escenarios.
Segunda xornada do Culturgal 2023 no Recinto Feiral
Multitudinaria segunda xornada de Culturgal este sábado no Recinto Feiral de Pontevedra, que ao longo de todo o día recibiu milleiros de visitantes para participar nalgunhas das máis de 200 actividades programadas na feira
© Cristina Saiz