Tomeza lembra a Carmen Arias, Minina, no seu 102 aniversario
Por Redacción
O Fogar de Loli Beloso na Valadiña, na parroquia pontevedresa de Tomeza, conmemorará este sábado 15 de abril os 102 anos do nacemento de Carmen Arias de Castro Montero, Mimina, compañeira do intelectual Isaac Díaz Pardo, peza fundamental no proxecto da Fábrica de Cerámica do Castro e de Sargadelos, debuxante e deseñadora de xoias.
A homenaxe está organizada pola asociación 'A Roseira de Loli', da que Loli Beloso é a presidenta e o catedrático de Medicina Legal, investigador e experto internacional en Xenética Ángel Carracedo é o vicepresidente.
O acto, previsto para as 18.00 horas, bautizouse 'Arrolos de bicos e apertas ao ceo á artista: Mimina, Carmen Arias de Castro no seu 102 aniversario' e incluirá a presentación da xoia 'A Magdalena de Mimina', feita por Loli Beloso e dedicada a Carmen Arias de Castro.
O acto contará coa presenza de María Díaz, colaboradora de Isaac Díaz Pardo; e acollerá tamén un recital poético a cargo de Xiana Vidal García e Martín Pereira Fresco.
A vertente musical da xornada correrá a cargo do cantante de música tradicional galega e música do mundo Davide Salvado.
Relacionadas:
-
Entrega de 3.000 euros á Fundación Galega de Medicina Xenómica na Festa da Investigación de Tomeza
Por Redacción |
-
A Festa da Investigación de Tomeza celebra a súa sétima edición en beneficio da Fundación de Medicina Xenómica
Por Natalia Puga |
-
Davide Salvado e outros artistas lembran a Mimina no seu 102 aniversario
Por Rosalía Rico Otero |
-
Arte e xoias solidarias cruzan o Atlántico desde Pontevedra a Arxentina
Por Redacción |
-
Festa solidaria en Tomeza en favor da Fundación de Medicina Xenómica
Por Redacción |
-
O deseñador Franco Quintáns e as xoierías de Pontevedra renden homenaxe a Carmen Arias, 'Minina'
Por Natalia Puga & Mónica Patxot |
-
Un colgante Kalipay para enviar solidariedade pontevedresa a Filipinas
Por Redacción |
-
Xoias solidarias que axudan a loitar contra o cancro mentres homenaxean a Carmen Arias, Mimina
Por Redacción |
-
Pontevedra lembra a Carmen Arias, Mimina, "a xoia máis marabillosa de Isaac Diaz Pardo e Galicia"
Por Natalia Puga |