A rúa Cruz Gallástegui será repavimentada para potenciar o seu carácter peonil
Por Redacción
Cruz Gallástegui será reasfaltada a partir do 16 de abril, segundo anunciaba este mércores o concelleiro de Obras, Demetrio Gómez. Está previsto que se iguale na medida do posible a cor das rúas e da calzada para acentuar o actual modelo urbano.
A obra tamén acollerá algúns espazos con bancos entre as árbores co obxectivo de que os viandantes poidan utilizar prioritariamente esta zona. Adquiriranse bancos para diferentes espazos urbanos, pero polo momento descoñécese o montante económico deste mobiliario urbano.
A empresa COVSA, responsable das obras iniciais de renovación da rúa, tamén asumirá agora este reasfaltado facéndose cargo destes traballos de mellora do pavimento.
Demetrio Gómez recoñeceu que se tratou dun erro a instalación do pavimento inicial que sufriu problemas derivados das temperaturas ambientais e polo tipo de resina en pastilla empregada. Agora, está prevista a utilización dunha resina líquida.
Desde o Concello agardan que estas obras finalicen o venres 20 se as condicións meteorolóxicas acompañan.
Relacionadas:
-
Pintan o código de barras da rúa Cruz Gallástegui
Por Redacción |
-
As antigas zonas de aparcadoiro de Cruz Gallástegui, reconvertidas en veladores
Por Natalia Puga |
-
Cruz Gallástegui, de novo en obras para reforzar o seu carácter peonil
Por Redacción |
-
Os socialistas esixen explicacións pola "chapuza" da rúa Cruz Gallástegui
Por Oskar Viéitez |
-
Nova imaxe para a rúa Cruz Gallástegui
Por Redacción |