A "Nao Victoria" atraca en Sanxenxo
Por Oskar Viéitez
A "Nao Victoria", réplica do navío que entre 1519 e 1522 realizou a primeira volta ao mundo, atracou este mércores no porto deportivo de Sanxenxo sendo recibida polo alcalde Telmo Martín, tras a xira que realizou nos últimos meses polo norte de Europa, con escala en portos de Francia, Inglaterra, Holanda, Bélxica e Alemaña.
Este barco é a réplica do navío construído no País Vasco que entre 1519 e 1522 realizou a primeira volta ao mundo capitaneado por Juan Sebastián Elcano.
Segundo explicou Soledad Gea, responsable de loxística na nave, esta embarcación foi construída co máximo rigor histórico para a Expo 92 de Sevilla onde permaneceu exposta ao público xunto coas réplicas da Nao Santa María e as carabelas Pinta e a Niña, as naves de Cristóbal Colón.
Tras a exposición universal, a Nao Victoria foi exposta ao público en dique seco, ata que no 2004, reproduciu a xesta do barco orixinal circunvalando o globo.
Desde este mércores e ata o vindeiro domingo poderá ser visitada polo público. O horario de visita é de 10 a 20 horas e a entrada custa 4 euros para os adultos e 2 para os nenos. A bordo do navío de 26 metros de eslora e 7 de manga, os visitantes coñecerán as formas e detalles do barco e as condicións de vida dos seus mariñeiros.
Relacionadas:
-
A nao Vitoria recalará en Sanxenxo esta fin de semana con visitas a bordo gratuítas
Por Redacción |
-
A rede Passeport Escales xerou 149 pernoitas gratuítas nos portos deportivos da comarca
Por Redacción |
-
Máis de 3.000 persoas visitaron a Nao Victoria
Por Redacción |
-
A Nao Victoria visita por primeira vez Sanxenxo, onde abrirá as súas cubertas ao público
Por Oskar Viéitez |