A Policía Local de Sanxenxo inicia un plan de tráfico en Luis Rocafort ata o 15 de xuño
Por Redacción
A Policía Local de Sanxenxo puxo en marcha un plan de tráfico específico para a rúa Luís Rocafort e para as adxacentes con motivo das obras que se van a acometer no viario provincial. Este plan manterase activo desde este mércores 1 de marzo ata o próximo 15 de xuño, data na que está previsto que se paralicen os traballos con motivo do inicio do período estival.
A empresa adxudicataria do proxecto comezou as tarefas de replanteo e de traslado de material para iniciar as obras esta semana. A avenida Luís Rocafort será de sentido único e a dirección da circulación farase desde o paseo de Silgar ata a rotonda de Arnelas.
As modificacións previstas no tráfico establecen o acceso a Luís Rocafort a través das rúas Ourense e Casteloa, mentres que o acceso a Ramón Cabanillas realizarase a través de paseo de Silgar e tamén por Luís Rocafort.
Está previsto que a Policía Local conceda autorizacións específicas para a realización de tarefas de carga e descarga e para transportes de grandes dimensións pola avenida Luís Rocafort, circulando en dirección ao paseo de Silgar.
Relacionadas:
-
Sanxenxo reclama máis presenza policial en Semana Santa e o verán
Por Redacción |
-
O PP de Sanxenxo súmase á demanda veciñal de máis prazas de aparcadoiro en Luís Rocafort
Por |
-
Os veciños de Luis Rocafort: "Beirarrúas si, estacionamento tamén"
Por Antía Fernández Buján |
-
Estudarán fórmulas para compensar o aparcamento que perderá Luis Rocafort
Por Redacción |
-
Luis Rocafort manterá en verán os seus dous carrís e terá dobre sentido
Por Redacción |
-
Nexia-Ors proposta para reformar a avenida Luis Rocafort en Sanxenxo
Por Redacción |