O Concello insta a Cespa a retomar as negociacións para evitar a folga na recollida de lixo
Por Alejandro Espiño
O goberno municipal dirixirase á empresa Cespa para instarlle a que retomen as negociacións cos seus traballadores para evitar a folga na recollida de lixo, convocada inicialmente polo persoal para o próximo Nadal ante a falta de acordo para o novo convenio colectivo.
O Concello entende que se a empresa se nega a seguir negociando cos traballadores a folga prevista en Pontevedra deberíase a un "capricho" por parte da dirección de Cespa. O portavoz do goberno, Raimundo González, engadiu que sería unha "actitude de agresión" por parte da empresa contra o executivo local.
Raimundo González entende que "terán que chegar a un acordo", especialmente ao manifestar ambas as partes que hai acordo en todos os puntos menos no recoñecemento da antigüidade, polo que "deberían" atopar puntos de encontro neste "punto de fricción".
"Entendemos que os cidadáns de Pontevedra non merecen que haxa unha folga en pleno Nadal", afirmou o portavoz do goberno municipal, para quen non sería "comprensible" que a empresa e os traballadores non retomasen as negociacións para poñer fin a este conflito laboral.
En todo caso, o edil do BNG advertiu que o Concello estará "vixiante" porque, a pesar de tratarse dun asunto entre a empresa e os seus traballadores, "non podemos permanecer ao marxe desta cuestión".
Por agora, o Concello non pensa adoptar outro tipo de medidas pero manteranse expectantes porque "en función de como vaia, iremos vendo".
Relacionadas:
-
Desconvocada a folga no servizo de recollida de lixos
Por Oskar Viéitez & Mónica Patxot |
-
Preacordo entre Cespa e traballadores. Se o persoal o ratifica non haberá folga
Por Oskar Viéitez |
-
Os traballadores de Cespa manteñen, por agora, a folga na recollida de lixo a partir de 25 de decembro
Por Oskar Viéitez | Creada e actualizada
-
Os traballadores da recollida de lixo convocan unha folga indefinida a partir do día de Nadal
Por Mónica Patxot & Anxo Lourido |
-
Os traballadores de Cespa aproban unha folga indefinida do servizo do lixo
Por Redacción |