CC.OO. lamenta que o comité de empresa da fábrica de Ence rexeite a folga prevista para esta semana
Por Redacción
Está previsto que desde o 9 ao 11 deste mes de agosto, os traballadores dos distintos centros de Ence apoien unha folga convocada con motivo da apertura dun expediente sancionador contra un representante sindical de Comisións Obreiras na fábrica que a pasteira ten en Navia. A empresa decidiu suspender de emprego e soldo ao traballador por entender que incumpría o número de horas da xornada laboral.
Desde o sindicato entenden que se trata dunha persecución por parte da empresa e por ese motivo organizaron o paro que, con todo, non contou co apoio do comité de empresa da fábrica en Pontevedra, no que ten maioría o sindicato UXT.
Só os 108 traballadores das oficinas centrais na ría de Pontevedra, en cuxo comité ten maioría Comisións Obreiras, apoiarán esta convocatoria. José Luis García Pedrosa, secretario comarcal deste sindicato, sinalou durante este luns que están a estudar a posibilidade de levar a cabo unha folga convocada só por CC.OO. se a empresa mantén a súa actitude e o expediente continúa o seu curso.
Pedrosa apunta que unha folga de tres días na fábrica de Pontevedra afecta o aprovisionamento de madeira. Sinala que desde este sindicato farán fronte á dirección de Ence sempre que as súas decisións afecten á dignidade dos traballadores.
Relacionadas:
-
CC.OO. denuncia que Ence está despedindo traballadores en Pontevedra para recortar custos económicos
Por Anxo Lourido | Creada e actualizada
-
Traballadores das oficinas centrais de ENCE apoian tres días de folga en agosto polo "clima laboral insostible"
Por Redacción | Creada e actualizada
-
Os traballadores de Ence denuncian un ambiente laboral "insoportable"
Por Oskar Viéitez |