Os veciños de Noalla coñecen o proxecto previsto para o Pazo de Quintáns
Por Redacción
Os veciños de Noalla en Sanxenxo coñeceron este xoves 11 ás liñas básicas de actuación tanto para a restauración do Pazo de Quintáns a través dunha exposición que se presentou na Casa das Canteiras de Noalla.
O arquitecto Mario Crecente é o encargado de tramitar que este edificio sexa declarado Ben de Interese Cultural (BIC) coa intención de acceder ao 1,5% do orzamento do Ministerio de Fomento para rehabiltación de patrimonio e o encargado de explicar este proxecto aos veciños. O goberno local quere acadar eses fondos para acometer a primeira fase da recuperación do pazo.
Por este motivo, desenvólvese unha exposición cunha proxección dun audiovisual para poñer en marcha a importancia histórica dun pazo que, segundo o goberno local, ten que recuperar o seu esplendor e converterse nun punto de atracción turística. A investigación histórica, orientada cara á localización de información sobre a liñaxe propietaria do pazo na maior parte da súa historia relacionada cos Padín.
A exposición tamén mostra detalles sobre o gran hórreo con celeiro, que sería construído xa na primeira metade do século XX, o peche con fortes muros do xardín e a zona principal de horta.
Tamén se fai un repaso ás pezas de mobiliario do interior da casa, cun moble de recibidor; un cabeceiro e estrutura de cama de madeira tallada e os ferrallos historicistas da porta central da terraza, entre outras pezas.
Relacionadas:
-
O Pazo Quintáns, a un trámite de ser declarado BIC
Por Redacción |
-
Inician os trámites para a declaración como BIC do Pazo de Quintáns
Por Redacción |
-
Sanxenxo xa pode pedir a declaración de BIC para o Pazo de Quintáns
Por Oskar Viéitez |
-
Sanxenxo solicita a declaración como BIC do Pazo de Quintáns
Por Redacción |
-
O Pazo de Quintáns e a rexeneración das praias centran a reunión do alcalde con Ana Pastor
Por Diego Espiño |