Intensificarán os controis para evitar a pernocta de autocaravanas nos espazos portuarios
Por Redacción
Portos de Galicia intensificará o control que ven realizando para evitar a pernocta de autocaravanas no conxunto dos espazos portuarios de titularidade autonómica. Así o manifestou este mércores o presidente do ente público, José Juan Durán, nunha reunión de traballo co presidente da Asociación Galega de Campings, Delfín Fidalgo, e Miguel Pérez, alcalde do Grove, un dos municipios intensamente afectados por esta problemática.
Durante o encontro púxose de manifesto a problemática existente en numerosos peiraos autonómicos debido ao estacionamento continuado e pernocta de decenas de caravanas e autocaravanas en terreo de dominio público portuario.
Neste sentido, dende Portos de Galicia lémbrase que esta práctica non está permitida pola lexislación e que os peiraos son áreas de acceso exclusivo para os usuarios portuarios, así como zonas de traballo reservadas para os profesionais do mar.
Durán Hermida comprometeuse a traballar de xeito coordinado coa asociación de campings e as administracións locais na execución de accións que solucionen a problemática de ocupación de espazo portuario. Neste sentido, o presidente aludiu a razóns de seguridade, dado que a libre circulación peonil e rodada de persoal alleo aos portos polas zonas portuarias pode supoñer un risco para a súa integridade e a dos usuarios.
Finalmente, lembrou tamén a obriga da Administración pública de velar polas garantías ambientais dos peiraos, que poden verse afectadas polas estancias dos viaxeiros de autocaravanas.
Relacionadas:
-
O estacionamento de autocaravanas terá cabida para 18 vehículos
Por Redacción |
-
Para as autocaravanas mellor Valdecorvos que os terreos de Tafisa, segundo o PSdeG-PSOE
Por Redacción |
-
Asinan en Pontevedra unha alianza estratéxica entre Portos de Galicia e La Rochelle francesa
Por Redacción |
-
Instalan trinta novos brazos de amarre no porto do Grove
Por Redacción |