Os traballadores de quioscos afectados polo ERE extintivo, sorprendidos pola decisión empresarial
Por Redacción
Once traballadores con discapacidade, encargados de xestionar os catro quioscos adxudicados a Cogami na cidade de Pontevedra, aínda non saen do seu asombro ante a decisión da Rede Galega de Kioscos (RGK) de iniciar un expediente de regulación de emprego extintivo, que suporá o peche do negocio.
Na mañá deste venres 31 de outubro, os quioscos pertences á RGK xa non recibiron exemplares de la prensa diaria para a súa distribución debido á suspensión de pagamentos.
Os empregados mostran o seu temor a falar publicamente sobre esta decisión pero afirman que non entenden as causas económicas alegadas pola RGK. Segundo indican, as súas nóminas son de 640 euros mensuais e traballan por quendas salvo durante a fin de semana cando teñen que realizar xornadas completas, polo menos, un dos dous días. Afirman que, neste período do ano, é cando máis se vende e afirman que detectaron a crise nunha medida similar á de calquera outro negocio.
Móstranse especialmente estrañados porque ninguén lles comunicou a decisión empresarial nin lles adiantaron a situación económica na que se encontraba a RGK. Apuntan que unha empresa que recibe axudas da Administración polo feito de ofrecer emprego a persoas con discapacidade, debería ter outro tipo de trato cos seus empregados.
Representantes do sindicato UGT puxéronse en contacto, ao longo da xornada deste xoves 30, cos traballadores para convocalos a unha asemblea que se desenvolverá a próxima semana e na que está previsto que se estuden alternativas para poder continuar xestionando os catro quioscos dependentes de Cogami na cidade.
Relacionadas:
-
Reclaman a retirada do concurso de acredores dos quioscos de Cogami
Por Redacción |
-
Dous traballadores presentarán unha alternativa empresarial para continuar coa actividade nos quioscos de Cogami
Por Anxo Lourido |
-
Os traballadores da Rede Galega de Kioscos concéntranse en contra do ERE extintivo
Por Mónica Patxot & Anxo Lourido |
-
A Rede Galega de Kioscos presenta un ERE extintivo para 16 persoas con discapacidade en Pontevedra
Por Redacción |