Comezan as obras de remodelación da rúa Bernardo Sagasta de Cuntis
Por Redacción
A empresa adxudicataria da remodelación da rúa Bernardo Sagasta de Cuntis, Construciones Crespo, comezou as obras que pretenden emendar as carencias de seguridade vial de peóns e vehículos na zona.
Cun presuposto de 350.453 euros, os traballos prolongaranse aproximadamente por seis meses, nos que se renovará a clazada e se ampliarán as beirarrúas, deixando un só carril de circulación para o tráfico rodado en lugar dos dous actuais, o de entrada cara ao centro da vila.
Ademais procederase á mellora do sistema de recollida de pluviais e iluminación, concluíndo coa humanización da rúa, na que se colocarán zonas axardinadas e mobiliario urbano.
Ata o lugar das obras achegáronse este martes o delegado territorial da Xunta de Galicia, José Manuel Cores Tourís, e o alcalde de Cuntis, Antonio Pena, quen se mostrou satisfeito pola "execución dunha demanda histórica dos veciños de Cuntis. Non podemos esquecer que se trata da entrada histórica ao balneario".
Relacionadas:
-
Cuntis estrea o novo aspecto da rúa Bernardo Sagasta, na que se investiron preto uns 400.000 euros
Por Redacción |
-
As obras de reurbanización da rúa Bernardo Sagasta (Cuntis) estarán rematadas en novembro
Por Redacción |
-
Cuntis investirá máis de 236.000 euros na humanización integral da rúa Presiña
Por Redacción |