Dimite a dirección da Escola de Restauración ante as dúbidas sobre o futuro do centro
Por Redacción
O equipo directivo da Escola de Conservación e Restauración presentou a súa dimisión, a través dun escrito, ante o Conselleiro de Educación debido á ausencia de resposta por parte da Xunta de Galicia á petición da comunidade estudantil para que o centro se adscribise á Universidade de Vigo.
O director da Escola, Fernando Carrera, sinala que o 30 de setembro de 2013 se producira a dimisión por parte do Consello Escolar coa intención de que houbese unha reacción por parte da Consellería. Non obstante, segundo expón o máximo responsable do centro, a pesar das mobilizacións para reclamar unha negociación coa Xunta co obxectivo de resolver o problema sobre a validez dos estudos que se imparten na Escola, non houbo ningunha reacción por parte da administración autonómica.
Ante esta situación, Fernando Carrera xustifica a dimisión en que "debemos acompañar a Comunidade Educativa á que representamos. Non desexamos dirixir a acción de goberno dunha institución que foi abandonada á súa sorte; non queremos ser cómplices do desatino organizativo das Escolas das Ensinanzas Artísticas Superiores".
O ata agora máximo responsable da Escola finaliza o seu escrito solicitando ao Conselleiro de Educación, Jesús Vázquez, que leve a cabo as "decisións oportunas" para que o Equipo Directivo e o Consello Escolar se renoven inmediatamenbte e "non se produza unha situación de desgoberno nun momento tan esencial para esta Escola, prontos a titular a primeira promoción da Lei Orgánica de Educación,".
Relacionadas:
-
Desplante dos alumnos da Escola de Restauración ao conselleiro de Cultura
Por Mónica Patxot & Anxo Lourido |
-
A Escola Superior de Conservación impartirá un master da Universidade de Vigo
Por Redacción |
-
A Escola de Restauración coordinará as súas protestas con outros centros de ensinanzas artísticas de toda España
Por Oskar Viéitez & Mónica Patxot |
-
A Escola de Restauración saca as súas reivindicacións á rúa
Por Oskar Viéitez |
-
Restauración de Pontevedra contaxia o seu conflito a diferentes Escolas Artísticas de toda España
Por Oskar Viéitez & Mónica Patxot |
-
O conselleiro de Educación afirma que a LOMCE equipara os estudos da Escola de Restauración co Grao universitario
Por Redacción |
-
Dimite o Consello Escolar da Escola de Restauración
Por Redacción |