O pleno de marzo volverá debater as dedicacións exclusivas do PP ante a indignación de Jacobo Moreira
Por Redacción
O goberno local volve levar a pleno a moción das dedicacións exclusivas do Partido Popular para, segundo expuxo o voceiro municipal Raimundo González, "evitar triquiñuelas do PP e validar este acordo" que se aprobara no anterior pleno.
Os técnicos municipais, segundo recoñeceu o concelleiro, aconsellaron que se volvese tratar no pleno de marzo "porque pode haber unha abertura".
Dende o Partido Popular, Jacobo Moreira indica que con esta decisión, "o alcalde intenta xustificar a burla ao Tribunal Superior de Xustiza de Galicia" cunha patética teoría sobre a quen debe elixir Moreira para percibir as dedicacións exclusivas". Segundo indica, esta decisión adóptase para castigar á oposición municipal por criticar un novo soldo no seo do equipo de goberno, aprobada en xullo de 2012 e sinala que Fernández Lores mantén unha actitude de soberbia, que lle leva a adoptar unha "hipócrita proposta para manter a situación actual, con Moreira como único edil do PP con dedicación exclusiva" en lugar de restituír os soldos dos concelleiros.
Segundo os populares, o traslado da moción outra vez a pleno débese a que o alcalde a redactou de forma precipitada e sen o axeitado asesoramento técnico. O resultado é que o pleno municipal terá de novo que debater" a fraude deseñada" "para saltarse o cumprimento dunha sentenza xudicial".
Relacionadas:
-
O PP acode de novo aos tribunais polas dedicacións exclusivas
Por Oskar Viéitez & Mónica Patxot |
-
Lores relaciona as críticas do socio de goberno coa precampaña electoral do PSOE
Por Redacción |
-
O PSOE cualifica de 'lamentable espectáculo' o debate sobre as dedicacións exclusivas entre PP e BNG
Por Redacción |
-
Moreira reitera que os soldos do PP son para María José Rodríguez, César Abal, Ricardo Aguilar e el mesmo
Por Alejandro Espiño |
-
BNG e PSdeG-PSOE acordan un novo reparto das exclusivas e o PP ameaza con volver o xulgado
Por Alejandro Espiño |
-
O goberno local manterá unha soa dedicación exclusiva para o PP
Por Oskar Viéitez |