A xornada do fútbol galego, suspendida a partir das 15:00 horas do domingo
Por Redacción
A Federación Galega de Fútbol anunciou a suspensión de todos os partidos programados nas categorías do fútbol autonómico para a tarde deste domingo 10 de decembro.
O órgano reitor do balompé galego toma esta decisión tras recibir unha comunicación por parte da Secretaría Xeral para o Deporte que recomendaba suspender as actividades ao aire libre debido ao temporal de vento e choiva que atravesará a comunidade.
Esta medida afectará a todos os partidos organizados pola Real Federación Galega de Fútbol que se ían a disputar a partir das 15:00 horas da tarde do domingo.
Ao descansar esta semana a Terceira División estarán afectadas as categorías absolutas desde Preferente, o fútbol feminino e os partidos de base que estaban previstos nesta franxa horaria.