Segundo posto para o Mapfre na primeira etapa da Volvo Ocean Race
Por Redacción
Máis de seis días de navegación ininterrompida afrontou a frota da Volvo Ocean Race de vela, entre eles o Mapfre do Real Club Náutico de Sanxenxo coa pontevedresa Támara Echegoyen a bordo, na primeira etapa da competición.
O desafío español na Volta ao Mundo, que gañara a etapa costeira o Alacante, tivo problemas no inicio da primeira gran ruta, con máis de 1.460 millas ata Lisboa, pero soubo repoñerse a tempo.
O barco patroneado por Xabi Fernández protagonizou unha gran remontada antes do paso polo estreito de Xibraltar e colocouse segundo para encabezar a persecución do líder provisional, o Vestas liderado polo estadounidense Charlie Enright.
Chegou a reducir distancias o Mapfre e dar emoción á etapa, pero o Vestas puido manterse na cabeza para chegar en primeira posición este sábado a Lisboa.
Ao final o barco español con base en Sanxenxo foi segundo pero sufrindo o pouco vento na entrada a Lisboa, co Dongfeng e o Team Azko preto, sumando 6 puntos.
Tras un merecido descanso, os participantes na Volvo Ocean Race empezarán a pensar na etapa 2 da regata, que se iniciará o próximo 5 de novembro con 7.000 millas náuticas de percorrido entre Lisboa e Cidade do Cabo, Sudáfrica.
Relacionadas:
-
Támara Echegoyen, vencedora co Mapfre na segunda etapa da Volvo Ocean Race
Por Redacción |
-
Loita encarnizada polo liderado na Volvo Ocean Race camiño de Cidade do Cabo
Por Redacción |
-
Igualdade máxima na segunda etapa da Volvo Ocean Race
Por Redacción |
-
O Mapfre reforza o seu liderado nas regatas costeiras da Volvo Ocean Race
Por Redacción |
-
O soño de participar na Volvo Ocean Race é xa unha realidade para Támara Echegoyen
Por Redacción |
-
O Mapfre toma o mando desde o inicio na Volvo Ocean Race
Por Redacción |
-
O Mapfre, con Támara Echegoyen a bordo, mostra as súas credenciais na prólogo da Volvo Ocean Race
Por Redacción |
-
A Volta ao Mundo a Vela empeza en Sanxenxo
Por Redacción |