Prosi, ambicioso no seu primeiro día como granate: "Llego con la expectativa clara de subir a Segunda"
Por Diego Espiño
No seu primeiro día como xogador do Pontevedra Club de Fútbol, Diego Álvarez, coñecido futbolísticamente como 'Prosi', mostrou a súa ambición á hora de explicar os motivos polos que aceptou a oferta granate.
"Llego con la expectativa clara de subir a Segunda División", asegurou na súa presentación oficial.
O centrocampista, que as dúas últimas campañas militou no Burgos, asegurou ademais que "vengo porque han puesto desde el principio mucho interés", explicou.
Prosi "nos va a aportar mucho en la organización de juego", argumentou o conselleiro responsable da parcela deportiva, Roferto Feáns, ademais de polivalencia xa que "he jugado en todos los puestos del centro del campo", completou o futbolista.
As súas primeiras palabras como granate deixaron tamén un recoñecemento á marcha do Pontevedra nas últimas tempadas, nas que se enfrontou como rival, e ao traballo de Luisito en particular, ao asegurar que "estos dos últimos años lo han estado haciendo muy bien y no es casualidad que el equipo haya estado arriba".
O acto celebrado no Estadio Municipal de Pasarón arrincou cunhas breves palabras da presidenta, Lupe Murillo, nas que recoñeceu que "es la penúltima presentación de un jugador del equipo", en referencia á única vacante no plantel, a dun dianteiro centro para cuxa contratación non se marcan prazos.
LUISMI, NOVO ADESTRADOR DO EQUIPO XUVENIL
Doutra banda o Pontevedra anunciou o nome da persoa que se fará cargo finalmente do equipo xuvenil de División de Honra, tras a non continuidade de Óscar Guimeráns. Trátase de Luismi, vello coñecido da casa granate, na que militou como xogador cinco tempadas entre os anos 1998 e 2003.
O vigués, que na súa etapa como futbolista actuaba como defensa central, adestrou a pasada campaña ao Mondariz na categoría de Preferente.
Relacionadas:
-
O Pontevedra derrota a Coruxo e Arosa e adxudícase o XLVIII Trofeo Carneiro ao Espeto
Por Ramiro Espiño & Diego Torrado |
-
Gimnástica Segoviana a domicilio, primeiro rival do Pontevedra na Copa do Rei
Por Ramiro Espiño |
-
Celta B, Bouzas e Cerceda, arranque galego para o Pontevedra nun novo ano na Segunda B
Por Alejandro Espiño |
-
O LVIII Trofeo Luís Otero ante o Deportivo, primeira ocasión para ver en acción ao Pontevedra 2017/2018
Por Diego Espiño |
-
O Sporting de Xixón, segundo prato forte na pretempada do Pontevedra
Por Redacción |
-
O Pontevedra, a un paso de pechar o seu plantel coa incorporación de Diego Álvarez 'Prosi'
Por Alejandro Espiño |
-
Os xogadores do Pontevedra CF, a exame médico
Por Redacción |
-
Bota a andar o Pontevedra con once caras novas, dúas fichaxes pendentes e o play-off como obxectivo
Por Ramiro Espiño & Mónica Patxot |
-
O Pontevedra desvela por sorpresa a súa campaña de socios, na que mantén prezos
Por Diego Espiño |