Poio Pescamar especialízase en gañar aos grandes e tamén supera ao Alcorcón (1-0)
Por Redacción
Cun solitario gol de Jenny, o Poio Pescamar levou os tres puntos ante o Alcorcón o que lle permite acceder á quinta praza da táboa clasificatoria superando ao Ourense Envialia, o seu próximo rival na final da Copa da Xunta o vindeiro luns.
O partido resultou moi equilibrado, cun Alcorcón que optaba por presionar en tres cuartos de pista desde o comezo ante un conxunto pontevedrés que optaba por emprazar unha dobre liña defensiva en metade de campo.
As locais coas súas transicións ofensivas e as visitantes cos seus ataques en estático non conseguían facer bos os seus achegamentos de perigo, chegándose ao descanso con empate a cero.
O segundo tempo parecía non cambiar as cousas, ata que a seis minutos do final, Jenny, nun roubo de balón culminaba unha contra en superioridade numérica para regatear ao seu par e superar a Belén para conseguir o único gol do partido.
O tanto obrigaba ao conxunto oleiro a tratar de arriscar no tramo final do partido, onde apostou polo xogo de cinco, pero non atoparon claridade nos metros finais para igualar un choque que se acabou apuntando o conxunto local, sumando a súa terceira vitoria consecutiva e especializándose en tombar aos grandes para asinar lle mellor tempada da súa historia.
POIO PESCAMAR (1): Silvia; Jenny, Ceci, Ale de Paz e Jessy (quinteto inicial). Tamén xogaron, Patri, Cárol, Charo e Yoli.
AD ALCORCÓN (0): Ana del Río; Isa García, Irene Samper, Anita Luján e Vadillos (quinteto inicial). Tamén xogaron, Belén (P.S.), Chili, Clara, Desi, Ana Rivera e Vane Sotelo.
Árbitros: Óliver Cardero Rodríguez e Gutín Garrido (Galicia). Amoestaron a Irene Samper no Alcorcón.
Goles: (1-0) Minuto 34: Jenny.
Incidencias: Pavillón Municipal da Seca (Poio). Uns 300 espectadores.
Relacionadas:
-
O Poio Pescamar non pasa do empate en Majadahonda (3-3)
Por Redacción |
-
Sprint final do Poio Pescamar cara á cuarta praza
Por Redacción |
-
Oficial: a Copa de España de fútbol sala feminino xogarase en Poio
Por Diego Espiño & Mónica Patxot |
-
Día de festa para o Poio Pescamar, que levanta a súa primeira Copa Xunta (2-1)
Por Diego Espiño & Cristina Saiz |
-
Unha ponte festiva para a ilusión no Poio Pescamar
Por Redacción |
-
Sociedad Gimnástica e Poio Pescamar rubrican un convenio de patrocinio coa Deputación
Por Redacción |
-
Badalada do Poio Pescamar que termina coa imbatibilidade do líder Atlético Navalcarnero (1-2)
Por Redacción |
-
Poio, a un paso de acoller a Copa de España de fútbol sala feminino
Por Redacción |