Unha ponte festiva para a ilusión no Poio Pescamar
Por Redacción
Coa moral polas nubes tras ser o primeiro equipo en derrotar esta tempada ao líder da Primeira División Feminina, o Atlético Navalcarnero, o Poio Pescamar afronta agora unha dobre e ilusionante cita durante a ponte festiva.
As vermellas céntranse primeiro na liga para recibir este sábado na Seca (18:30 horas) ao AD Alcorcón, terceiro clasificado, nun esixente duelo para un equipo que se está mostrando en plena forma e que pode dar un paso máis cara ao obxectivo de asegurar a súa presenza a final de tempada na Copa de España, clasificación que está xa encamiñada.
As xogadoras adestradas por Marcio Santos non escatimarán esforzos, pero de esguello miran a outra xornada que está marcada en vermello no calendario e para a que apenas haberá tempo de recuperación, a do próximo luns 1 de maio no Pavillón Municipal dos Deportes de Pontevedra.
Alí disputarase a final da Copa Xunta (17:00 horas) ante o Ourense Envialia, quinto clasificado en liga un só punto por encima do Poio, na que será a oportunidade de levantar o primeiro título oficial do equipo absoluto.
A venda de entradas para a cita, que será dobre coa final masculina entre Santiago Futsal e Burela ás 18:45 horas, avanza a bo ritmo e espérase que o Municipal pontevedrés rexistre un bo ambiente para a ocasión.
Relacionadas:
-
Día de festa para o Poio Pescamar, que levanta a súa primeira Copa Xunta (2-1)
Por Diego Espiño & Cristina Saiz |
-
Poio Pescamar especialízase en gañar aos grandes e tamén supera ao Alcorcón (1-0)
Por Redacción |
-
Sociedad Gimnástica e Poio Pescamar rubrican un convenio de patrocinio coa Deputación
Por Redacción |
-
Badalada do Poio Pescamar que termina coa imbatibilidade do líder Atlético Navalcarnero (1-2)
Por Redacción |
-
Poio, a un paso de acoller a Copa de España de fútbol sala feminino
Por Redacción |
-
O Poio Pescamar arranca coa venda de entradas para as finais da Copa Xunta
Por Redacción |