Medina ten roto o ligamento cruzado do seu xeonllo e di adeus á tempada
Por Diego Espiño
Malas noticias para a Sociedad Deportiva Teucro, que perde por lesión a unha das pezas importantes da súa liña defensiva, o brasileiro Johnny Medina.
A resonancia magnética á que foi sometido o martes o pivote teucrista revelou que sofre "unha rotura do ligamento cruzado anterior compatible con rotura do menisco interno", explica o club nun comunicado.
O verdadeiro alcance da lesión non se coñecerá ata dentro duns días, cando se determine o grao de afección no menisco, pero o tempo estimado de recuperación non será en todo caso inferior a seis meses, polo que non poderá volver xogar ata a próxima tempada e por tanto axudar aos seus compañeiros a pelexar no tramo final de liga por lograr o ascenso á máxima categoría.
"Era la noticia que no queríamos recibir", recoñeceu Quique Domínguez tras coñecer o resultado das probas, xa que "perdemos para el tramo final de liga a un jugador importantísimo. Para nosotros Johnny Medina es una pieza básica sobre todo en defensa y en las transiciones, no solo por todo lo que nos da, si no también por lo muchísimo que contagia y transmite", sinalou o técnico azul.
Medina retirouse lesionado no transcurso do partido ante o Gijón Jovellanos no Municipal, tras realizar un mal apoio nunha transición e entre evidentes signos de dor, o que desde o primeiro momento motivou a preocupación entre compañeiros, corpo técnico e afeccionados do Teucro.
Relacionadas:
-
Johnny Medina pasa revista en Barcelona tras a súa operación de xeonllo
Por Redacción |
-
O Teucro premia o rendemento de Johnny Medina renovándoo a pesar da súa lesión
Por Redacción |
-
Paso de xigante do Teucro que gaña en Córdoba (22-25) e aprovéitase da derrota de Palma del Río
Por Redacción |
-
A primeira final teucrista polo ascenso pasa por Córdoba
Por Diego Espiño |
-
A 'ilusionina' contaxia o Teucro con importantes descontos para os tres últimos partidos de liga
Por Diego Espiño |
-
Grave lesión de xeonllo de Johnny Medina na cómoda vitoria do Teucro sobre Gijón Jovellanos (36-25)
Por Ramiro Espiño & Diego Torrado |
-
Vibrante #DerbiDoLérez que puido gañar calquera e termina con xusto empate entre Cisne e Teucro (28-28)
Por Ramiro Espiño & Diego Torrado |