O Arxil cre, vence o líder (69-65) e mira cara o play-off
Por Redacción
Só perdera dous partidos esta tempada o Aros de León, líder destacado do Grupo A de a Liga Feminina 2, ata que chegou ao pavillón do Centro Galego de Tecnificación Deportiva.
O Arxil inflixiu a terceira derrota da tempada ao cadro leónes logo dun vibrante partido que reforza a súa candidatura a ocupar a cuarta praza e xogar o play-off de ascenso.
As verdes creron desde o inicio, e nun primeiro cuarto brillante en defensa lograron abrir brecha no marcador (18-7) ao final dos primeiros 10 minutos.
Reaccionou o Aros no segundo parcial, no que foi un ciclón en ataque, para dar a volta ao encontro e chegar ao decanso en vantaxe (31-33).
Parecía que o líder chegara ao CGTD, pero tralo descanso as de Mayte Méndez recuperaron o seu mellor nivel, con Keita (25 puntos) e María Lago (18) levando o peso ofensivo.
Desde a liña de 3 puntos, cun 62% de acerto (8 de 13), cimentou o triunfo o Arxil, pero tivo que sualo ata a bucina. As locais chegaron ao cuarto definitivo un punto arriba (52-51) e foron máis efectivas nos momentos clave para amarrar un importante triunfo.
Relacionadas:
-
Último cartucho para o Club Baloncesto Arxil
Por Redacción |
-
O Arxil afástase do seu soño ao caer fronte ao Segle XXI (77-67) vítima dun mal segundo cuarto
Por Redacción |
-
Sen marxe de erro para o Arxil en Barcelona
Por Redacción |
-
Xornada importante e dura proba para o Arxil, que recibe ao líder da liga
Por Redacción |
-
Derrota do Arxil na cancha do Ibaizabal vítima dun mal segundo cuarto (69-66)
Por Redacción |