Derrota do Arxil na cancha do Ibaizabal vítima dun mal segundo cuarto (69-66)
Por Redacción
O Club Baloncesto Arxil saíu derrotado este sábado da súa visita á cancha dun rival directo pola cuarta praza da Liga Feminina 2, o GDKO Ibaizabal (69-66).
As pontevedresas acusaron en exceso un mal segundo cuarto, no que só anotaron 9 puntos. Antes iniciaran ben o choque, levando a iniciativa no primeiro parcial (14-17).
As dificultades ofensivas no segundo cuarto, cunha intensa presión por parte do equipo local, fixo que o cadro vasco conseguise unha importante vantaxe ao descanso (34-26).
Tras o intermedio reaccionou o Arxil, con Keita (26 puntos) acertada en ataque e ben escoltada por María Lago, Mallou e Ana Román.
Con todo as de Mayte Méndez non lograban recortar distancias debido ao acerto local, e non foi ata os últimos minutos cando lograron apertar o marcador para chegar ao final con opcións de vitoria. Non foi suficiente e o Ibaizabal fíxose cun valioso triunfo que aperta aínda máis a clasificación ao empatar co Arxil, cun balance de 11-10.
Relacionadas:
-
O Arxil afástase do seu soño ao caer fronte ao Segle XXI (77-67) vítima dun mal segundo cuarto
Por Redacción |
-
Sen marxe de erro para o Arxil en Barcelona
Por Redacción |
-
O Arxil cre, vence o líder (69-65) e mira cara o play-off
Por Redacción |
-
Xornada importante e dura proba para o Arxil, que recibe ao líder da liga
Por Redacción |
-
O filial do Arxil xogará polo ascenso de categoría
Por Redacción |
-
Arxil e Cortegada disputan un derbi intenso que reengancha ás verdes (55-52)
Por Redacción |