O Peixe Galego compite pero termina cedendo ante o acerto do COB (78-86)
Por Redacción
Segunda derrota consecutiva do Peixe Galego, que non puido confirmar ante o Ourense Provincia Termal o seu bo momento nos encontros na casa e perdión por un tenteo de 78-86.
Os de Marín seguen fóra dos postos de descenso, pero ven como se aperta a loita pola permanencia na LEB Ouro ao estar empatados agora a vitorias co Magia Huesca, primeiro equipo que descendería.
O Peixe competiu a bo nivel ante o Ourense, pero terminou cedendo no último e definitivo cuarto. Antes os de Javi Llorente arrincaron con forza o partido, cun parcial de 8-1 que aos poucos os visitantes encargáronse de contrarrestar.
Ao final do primeiro cuarto o marcador estaba xa case igualado (20-18), e esa tendencia mantívose ata o tempo de descanso (41-41).
Na continuación o Peixe tentaba manter un ritmo alto, pero o Ourense golpeou desde a liña de tres para abrir un oco importante aproveitando unha fase de erros en ataque dos marinenses (57-66).
Os locais non se renderon e chegaron a poñerse a só un punto ao comezo do último cuarto (67-68), pero ata aí chegou a súa gasolina e o Ourense sentenciou no tramo final tirando de efectividade para deixar sen opción ao Peixe.
Consulta aquí as estatísticas do Peixe Galego-Ourense Provincia Termal.
Relacionadas:
-
A lesión de Andrés Miso lastra ao Peixe Galego fronte a Burgos (79-89)
Por Redacción |
-
O Peixe Galego perde na prórroga en Logroño e complica o seu futuro na LEB Ouro (83-77)
Por Redacción |
-
Derrota do Peixe Galego en Barcelona que aperta a loita pola permanencia (92-74)
Por Redacción |
-
Tim Derksen e Andrés Miso converten en festa o exilio do Peixe fronte Araberri (76-60)
Por Ramiro Espiño & Diego Torrado |