Gran vitoria dun sólido Poio Pescamar ante Burela Pescados Rubén (2-0)
Por Redacción
Importante triunfo do Poio Pescamar na Seca ante o potente Burela Pescados Rubén (2-0), que supón un golpe de moral para as vermellas tras tres xornadas sen gañar en liga.
As xogadoras adestradas por Marcio Santos tiveron que sacar a relucir a súa versión máis comprometida en defensa para deixar a cero a un dos equipos máis goleadores da Primeira División feminina, cun traballo defensivo que foi sobresaliente nos moitos minutos nos que Burela apostou polo xogo de cinco e que estivo acompañado por unha grande actuación de Silvia en portería.
Nunha desas accións nas que o Poio estaba encerrado atrás polo xogo de cinco das lucenses, que buscaban romper o empate tras un inicio de partido moi igualado e con algunha clara opción local, chegou o primeiro tanto do partido. Charo roubou un balón a metade de cancha a Bea Mateos, que actuaba como gardameta, e a porta baleira aínda que con suspense por se chegaba a defensora, poñía en vantaxe ás locais.
Con 1-0 chegábase ao descanso, e na renudación o guiou seguiu sendo similar, co Poio buscando a súa oportunidade á contra e o Burela alternando co xogo de cinco.
Silvia encargábase de desbaratar moitas das oportunidades visitantes, mentres as vermellas contaron con opcións de encarrilar o encontro moito antes do que o fixeron. Xa no tramo final, un balón en longo da propia Silvia desde portería loitouno Jessi coa gardameta visitante, o esférico quedou solto no bordo da área e a xogadora local sentenciou.
Quedaban apenas tres minutos pero o Burela non se repuxo, incapaz de superar o armazón defensivo das de Marcio Santos.
POIO PESCAMAR (2): Silvia, Jenny Lores, Ceci, Charo, Jessi -cinco inicial- Ale de Paz, Carol, Patri Corral.
BURELA (0): Jozi, Dany, Betim, Bea Mateos, Cilene -cinco inicial- Shiori, Lara, Silvia, Judith.
Goles: 1-0 Charo (min.18), 2-0 Jessi (min.37).
Incidencias: Partido de liga disputado no pavillón da Seca, Poio, ante preto de 300 espectadores.
Relacionadas:
-
Empate de mérito do Poio Pescamar en Alcorcón (2-2)
Por Redacción |
-
A pegada do líder Atlético Navalcarnero supera a un digno Poio Pescamar (4-0)
Por Redacción |
-
A visita do líder, dura proba para o Poio Pescamar
Por Redacción |
-
Cidade de As Burgas supera en acerto rematador ao Poio Pescamar (3-1)
Por Redacción |
-
Comeza a fase de competición máis esixente para o Poio Pescamar
Por Redacción |
-
Derrota axustada do Poio Pescamar na cancha do Gironella (2-1)
Por Redacción |
-
Poio arroupa a España na súa primeira vitoria (5-3) ante Portugal en Pontevedra
Por Redacción & Diego Torrado |