Ribadumia e Céltiga "pescan" a domicilio mentres Arosa xoga ben pero non gaña e Villalonga cede en San Pedro
Por Redacción
Vitorias de mérito para Ribadumia e Céltiga nas súas visitas aos sempre complicados campos do Silva e Bergantiños. Mentres os de Sierra lograron vencer por 1-2, o equipo da Illa segue o seu impecable inicio de tempada, logrando impoñerse por idéntico marcador no exilio dos de Carballo, en Paiosaco.
As obras de substitución do deteriorado cesped artificial das Eiroas levaron ao Bergantiños a xogar de prestado. Comezaron mandando cun temperán gol de Nacho Fernández, pero o Céltiga conseguiu dar a volta ao marcador con dous goles de Diego Fernández, o da vitoria apenas a un minuto do final, para sumar tres novos puntos que sitúan ao equipo insular nunha sorprendente terceira posición.
Consulta aquí o acta do partido Bergantiños-Céltiga.
Conseguiu refacerse o Ribadumia da derrota encaixada na Senra a pasada xornada. Fíxoo gañando na Grela con dous goles do veterano Changui, o primeiro xusto antes do descanso e o segundo nada máis comezar a segunda metade.
Os coruñeses recortaron diferenzas a falta de 15 minutos, por medio de Pablo Andrade, pero o equipo que adestra David Sierra soubo aguantar o empuxe final do Silva para manter a súa vantaxe.
Consulta aquí o acta do partido Silva-Ribadumia.
Peor sorte tivo o Villalonga, que recibía en San Pedro a visita dun dos grandes favoritos como o Cerceda, cedendo os puntos nun mal arranque de partido.
Os de Antonio Fernández viron como se lles escapaban as súas opcións en apenas 12 minutos, tempo que o conxunto coruñés tardou en marcar os seus dous goles, a primeiro obra de Uxío e o segundo de Javi Otero.
A pesar de tentalo, o Villalonga foi incapaz de superar a ordenada defensa coruñesa, e ademais atopouse cunha arbitraxe moi protestada do colexiado monfortino Saúl López Parga, que deixou aos celestes en inferioridade nos últimos minutos, expulsando con vermella directa a Aarón.
Consulta aquí o acta do partido Villalonga-Cerceda.
En partido adiantado á xornada, o sábado o Arosa sumou o seu terceiro empate consecutivo nun partido no que mereceu moito máis ante un Barbadás moi defensivo que aproveitou un erro defensivo aos cinco minutos para adiantarse no marcador.
O equipo de Jorge Otero reaccionou como a pasada xornada moi pronto logrando empatar, pero faltoulle acerto para dar a volta ao marcador e conseguir unha vitoria que por xogo e ocasións mereceu.
Alfredo, só ante de Lloves, fixo o 0-1 e Suso Martínez empatou pouco despois, aproveitando un gran pase de Sergio Santos.
Na segunda parte o Arousa dominou por completo, pero sen puntería.
Consulta aquí o acta do partido Arosa-Barbadás.
Relacionadas:
-
Remontada do Arosa na Illa, golea o Ribadumia e o Villalonga cae en Abegondo
Por Redacción |
-
Segue firme o Céltiga; tamén gaña o Villalonga, mentres Arosa e Ribadumia empatan no derbi
Por Redacción |
-
O Arosa presenta candidatura en Abegondo, Ribadumia e Villalonga caen e Céltiga segue sen perder
Por Redacción |
-
O Pontevedra segue adiante na Copa Federación ao vencer con autoridade ao Ribadumia (1-3)
Por Ramiro Espiño & Diego Torrado |
-
Cara para o Villalonga, que vence ao Choco (0-1) e cruz para o Ribadumia, superado polo Bergantiños (0-3)
Por Redacción |
-
Discreta xornada en Terceira con empates de Arosa, Céltiga e Villalonga e derrota do Ribadumia
Por Redacción |
-
Ribadumia, Arosa e Céltiga vencen no seu debut ligueiro; o Villalonga cae en Vilalba
Por Redacción |