Bea Gómez, incluída no programa 'Becas Podium' do Comité Olímpico Español e Telefónica
Por Diego Espiño
A poucas horas de que Bea Gómez Cortés se xogue as súas opcións de clasificación olímpica no Campionato de España Open de Sabadell, a nadadora pontevedresa recibiu un importante empuxón á súa carreira.
Bea, á que lle comunicaron a decisión hai un par de semanas, foi incluída no programa 'Becas Podium' impulsado polo Comité Olímpico Español e Telefónica, polo que recibirá unha axuda económica e técnica para tentar seguir progresando no mundo da natación.
Este programa de axudas, deseñado inicialmente ata Río 2016 e ampliado posteriormente ata 2018 cos deportes de inverno, pretende facilitar as condicións de adestramento de deportistas menores de 23 anos e que non sexan beneficiarios do Plan ADO, de axuda a deportistas de elite.
Desta forma a deportista do Club Natación Galaico únese a outras 87 promesas nacionais de diferentes disciplinas individuais, e percibirá 1.400 euros brutos ao mes, segundo figura nas bases do programa.
Relacionadas:
-
Apoio pleno da Federación Española de Natación a Bea Gómez: "Es un talento"
Por Diego Espiño |
-
O soño olímpico esfúmase para Bea Gómez Cortés
Por Diego Espiño |
-
A Bea Gómez escápaselle o billete olímpico nos 400 estilos
Por Diego Espiño |
-
Bea Gómez busca a clasificación olímpica en Sabadell sen marxe para o erro
Por Diego Espiño |
-
Ao Natación Galaico escápaselle o ascenso a Primeira División
Por Redacción |