O soño olímpico esfúmase para Bea Gómez Cortés
Por Diego Espiño
Era consciente Bea Gómez Cortés do complicado repetir presenza olímpica, e a deportista pontevedresa non puido conseguilo.
A falta de preparación, debido aos problemas de dores de cabeza que a lastraron esta tempada durante a súa preparación, impediron a Bea achegarse ás súas mellores marcas en Campionato de España Open de Sabadell, requisito indispensable para lograr o billete para Río 2016.
Tras o seu quinto posto do domingo nos 400 estilos, a deportista do Natación Galaico repetiu o luns praza nos 200 estilos, a segunda proba na que buscaba a clasficicación.
Debía nadar por baixo dos 2:13.11, pero quedou nun tempo de 2:15.39 que a deixa xa sen ningunha opción de repetir soño olímpico en Río de Janeiro.
A vencedora dos 200 estilos foi Mireia Belmonte (2:11.88) e segunda, rozando a mínima, África Zamorano (2:13.28). Completou o podio Catalina Corró (2:14.52).
Tamén nadou esta proba Paula Goyanes, sen poder clasificarse para as finais da tarde cun tempo de 2:27.84. Paula conseguiu ademais un tempo de 17:27.72 no 1.500 libre, distancia na que tamén participaron Lara Gómez Cortés (17:56.98) e Águeda Cons (17:21.09).
Completou a xornada, no que respecta aos nadadores do Galaico, Cristian Fernández cun tempo de 8:41.27 nos 800 libre.
Relacionadas:
-
Bea Gómez, resignada ante a decisión da Federación de non levala aos Xogos: "No deberían ser tan estrictos"
Por Redacción |
-
Impulsan unha petición popular para que Bea Gómez poida acudir aos Xogos Olímpicos
Por Diego Espiño |
-
Apoio pleno da Federación Española de Natación a Bea Gómez: "Es un talento"
Por Diego Espiño |
-
A Bea Gómez escápaselle o billete olímpico nos 400 estilos
Por Diego Espiño |
-
Bea Gómez, incluída no programa 'Becas Podium' do Comité Olímpico Español e Telefónica
Por Diego Espiño |
-
Bea Gómez busca a clasificación olímpica en Sabadell sen marxe para o erro
Por Diego Espiño |