O último tren do Arxil pasa por Canarias
Por Redacción
O Club Baloncesto Arxil afronta este sábado a súa última oportunidade para engancharse á pelexa polo cuarto posto da clasificación na Liga Feminina 2.
As verdes viaxan ata San Cristóbal de la Laguna (Tenerife) para render visita este sábado ao equipo que marca a fronteira co play-off de ascenso, o Adareva.
De gañar, as de Mayte Méndez colocaríanse a dous triunfos do Adareva e certificaría virtualmente a permanencia.
O Arxil desprázase a Canarias con todo o plantel dispoñible, pero coas dúbidas ata última hora de Ana Martín e Ana Román, que xa foron baixa o pasado fin de semana ante o Ensino.
O partido xogarase a partir das 21:00 horas, horario peninsular.