Dous meses de baixa para Aléx Fernández
Por Diego Espiño
Luisito perderá polo menos durante os dous próximos meses un dos futbolistas fixos nas aliñacións titulares, Álex Fernández.
As probas ás que foi sometido este mércores o centrocampista, tras retirarse lesionado ante o Somozas con síntomas procupantes ante a posible gravidade, revelan que sofre unha rotura muscular na zona isquiotibial de cinco centímetros de longo por tres de ancho.
O diagnóstico supón un prazo de baixa de "entre seis y ocho semanas", segundo o propio xogador recoñeceu no campo de adestramento de Príncipe Felipe, onde achegouse a ver aos seus compañeiros aínda axudado de muletas.
A rotura é "importante", explica Álex, polo que deberá ir con precaución para evitar unha posible recaída. Con todo, a sensación era de certo alivio ao non existir unha lesión de xeonllo, aínda que este extremo debe descartarse definitivamente cunha nova proba.
"El traumatólogo me explicó que en el 95% de los casos en una lesión así se rompe el cruzado", comentou a PontevedraViva en relación ao temor inicial.
PABLO, DESCARTADO PARA VALLADOLID
En canto ao resto de xogadores tocados, a sopresa positiva no regreso ao traballo tras a xornada de descanso do martes foi a incorporación ao grupo de Jacobo, aínda que con reservas.
O centrocampista mantense como dúbida para o próximo partido de liga en Valladolid e a súa evolución dependerá de como se atope durante os adestramentos que restan. Pola contra o que si está descartado é Pablo, que se marca como obxectivo volver ao traballo co resto de compañeiros ao comezo da próxima semana.
Relacionadas:
-
Esixente última semana de competición do ano para o Pontevedra
Por Diego Espiño |
-
Recital de cartóns e remontada do Pontevedra (1-3) ao Valladolid B nunha gran segunda parte
Por Redacción |
-
Contra as baixas e o terreo de xogo en Pucela
Por Diego Espiño |
-
Preocupación polo estado dos lesionados
Por Diego Espiño |
-
O Pontevedra supera ao infortunio e ao Somozas (2-0) a base de fútbol e entrega
Por Ramiro Espiño & Diego Torrado |