Cambados, preto de repetir como sede do Campionato de España Infantil de baloncesto
Por Diego Espiño
Aínda faltan por pechar algúns detalles, pero "hay muchas posibilidades de que Cambados repita como sede del infantil masculino".
ÿ unha afirmación do presidente da Federación Galega de Baloncesto, Francisco Martín, en relación ao Campionato de España de Baloncesto Infantil Masculino que se celebrará o próximo mes de xuño.
De pecharse o acordo, Cambados acollería a competición por segundo ano consecutivo, reunindo 32 equipos do estado durante unha semana de torneo.
Estas declaracións producíronse na firma do convenio de colaboración entre a Federación Galega e o Concello de Pontevedra para a celebración do Nacional Infantil feminino.
Celebrarase entre os días 14 e 20 de xuño e espera congregar na cidade a "cerca de 3.500 persoas", recoñece Martín, cifra relativa á edición do pasado ano.
A organización deste evento traballa coa previsión de non contar co Pavillón Municipal dos Deportes polas obras previstas na súa cuberta, polo que tal e como se trasladou hai poucas semanas, as sedes do campionato serán o Centro Galego de Tecnificación Deportiva, o Pavillón Universitario e o da Cidade Infantil Príncipe Felipe.