A visión máis persoal das figuras do deporte
Por Redacción
Tres medallistas olímpicos e un médico que o gañou todo coa Selección Española de Fútbol dende o punto de vista máis persoal.
Así é o libro escrito por Rodrigo Cota e con fotos de Rafa Fariña presentado este martes na Deputación de Pontevedra.
Trátase dun documento que indaga na visión próxima e as experiencias de David Cal, Javier Gómez Noya, Támara Echegoyen e o doutor Juan José García Cota.
O libro, que parte dunha idea dos responsables da Deputación, esconde case nove meses de entrevistas para descubrir datos persoais e vivencias destas figuras do deporte, esquecéndose un pouco do seu extenso curriculum de éxitos en Xogos Olímpicos ou campionatos do Mundo.
Na presentanción, ademais dos protagonistas, estiveron presentes o presidente provincial, Rafael Louzán, a deputada Begoña Estévez e o presidente do Comité Olímpico Español, Alejandro Blanco.