Atlantic Fest cambia de datas: celebrarase os días 20, 21 e 22 de xullo
Por Alejandro Espiño
Os días 20, 21 e 22 de xullo, tres semanas máis tarde do que era habitual. Esa será a nova data do festival Atlantic Fest, que se celebrará de novo na Illa de Arousa.
Así o confirmaron este martes os organizadores do festival. Aseguran que o cambio está motivado na procura dunhas datas "idóneas" para que o público poida gozar dunha illa "paradisíaca" na que poder pasar unha "idílica" fin de semana.
Esta nova opción, engaden desde o Atlantic Fest, permitirá mostrar unha Illa de Arousa "en pleno esplendor" e haberá máis tempo para preparar o novo espazo que acollerá o escenario principal do evento, que se ampliará con novas infraestruturas e servizos.
As primeiras confirmacións produciranse, segundo adiantan, dentro dunhas semanas.
As entradas para este Atlantic Fest 2018 poñeranse xa á venda o próximo 11 de decembro a través da súa páxina web. O prezo, ata o 7 de xaneiro, será de 40 euros.
Relacionadas:
-
Iván Ferreiro, Rodrigo Amarante, Los Nastys ou Caxade tamén estarán no Atlantic Fest
Por Alejandro Espiño |
-
Kaiser Chiefs e La Casa Azul, novas confirmacións para o Atlantic Fest
Por Diego Espiño |
-
O rock de The Vaccines soará no Atlantic Fest 2018
Por Alejandro Espiño |
-
Os Rías Baixas Fests reuniron este verán a 260.000 persoas en Pontevedra
Por Redacción |
-
Los Planetas brillan na Illa e, xunto a Lori Meyers, marabillan ao público no Atlantic Fest
Por Alejandro Espiño |