As ondas inundan a autovía de Marín con ata medio metro de auga
Por Redacción
Creada e actualizada
Creada e actualizada
A DGT confirmou que ás 9:50 horas deste luns reabriuse ao tráfico un dos dous carris da autovía de Marín-Pontevedra que fora cortada esta madrugada a causa da suba da marea en Pontevedra.
Fontes da Garda Civil de Tráfico confirmaron ao Centro de Atención Emerxencias 112 Galicia que a causa da suba da marea, a autovía Marín-Pontevedra, a PO-11, en Lourizán, diante da fábrica de ENCE, tivo que ser cortada ao tráfico. Chegouse a rexistrar ata medio metro de auga sobre a calzada.
O 112 Galicia recibiu a chamada dos operarios de mantemento que indicaron que, ás 5:51 horas desta madrugada, o mar chegara a autovía. O Centro de Atención ás Emerxencias informou a Garda Civil de Tráfico e a Policía Local.
Coincidindo coa preamar desta madrugada e empurrada polo forte vento a auga inundou a calzada, impedindo a circulación de vehículos nos dous sentidos. Foi necesario cortar a circulación no tramo inundado o que provocou retencións no tráfico en dirección á localidade marinense.
Mentras durou o corte a Policía Local de Pontevedra desviou o tráfico na rotonda de Manuel del Palacio.
Os Bombeiros de Pontevedra tiveron que acudir ás 6:12 horas para auxiliar varios vehículos que quedaran atrapados pola auga.