Luz verde á contratación das obras de mellora no pavillón da Cañota
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
A Xunta de Goberno local de Marín aprobou o expediente para contratar a obra de mellora do pavillón da Cañota.
Trátase dunha actuación ideada para mellorar a eficiencia enerxética, habilitabilidad e accesibilidade da instalación.
A obra conta cun orzamento total de 662.811 euros, dos que a Deputación de Pontevedra achegará o 70% (463.968 euros) e o Concello o restante 30% (198.843 euros).
A maiores e seguindo esta liña, o goberno local avanza a concesión doutra subvención provincial para financiar a readaptación do proxecto similar que se quere levar a cabo noutro pavillón, o do Sequelo. Esta axuda, de preto de 15.000 euros, enmárcase no plan de recuperación, transformación e resiliencia no ámbito do turismo deportivo sostible.
No caso do Sequelo, contémplase o illamento exterior do edificio, a dotación dunha nova cuberta con illamento térmico e impermeabilización así como a instalación de auga quente sanitaria con dúas bombas de calor aerotérmicas alimentadas por unha instalación fotovoltaica.
Relacionadas:
-
Inician as obras de reforma do pavillón da Cañota
Por Redacción |
-
Marín renovará a conexión entre a Praza de España e o Paseo Alcalde Blanco
Por Redacción |
-
A reforma do Pavillón da Cañota custará uns 663.000 euros
Por Redacción |
-
A reforma da casa do concello e do pavillón da Cañota, fóra do PIREP local
Por Alejandro Espiño |