A Deputación saca peito con que paga os provedores en 15 días
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
A Deputación de Pontevedra sacou peito este sábado presumindo de que paga xa aos seus provedores nun prazo medio de 15 días, a metade do tempo establecido pola lei de loita contra a morosidade. Son datos que proceden do informe sobre o cumprimento de prazos da lei de loita contra a morosidade levado ao último Pleno da Corporación deste venres 31 de xaneiro.
O ente provincial emitiu un comunicado no que sinala que do citado informe extráese que a Administración provincial aboou no cuarto trimestre de 2013 un total de 4.899 facturas por un importe global de algo máis de 9 millóns de euros.
A gran maioría das facturas e pagamentos están relacionados coa adquisición de material, subministracións e outros (2.995); con gastos de reparación, mantemento e conservación (1.348) ou con investimentos reais (228).