Dúas persoas resultan feridas nun accidente laboral ao virse abaixo un andamio
Por Redacción
Un fatal accidente laboral saldábase este luns con dúas persoas feridas, unha de carácter grave e outra leve.
O suceso rexistrábase nunha vivenda de Fontoira, lugar da parroquia de Padriñán, no municipio de Sanxenxo. Os dous traballadores permanecían subidos a un andamio de aproximadamente dous pisos de altura realizando traballos de illamento cando se producía o accidente, segundo indican fontes municipais.
Por causas que se investigan, a furgoneta da empresa que se atopaba aparcada a 25 metros de distancia da vivenda onde se realizaban os traballos desprazouse marcha atrás golpeando á estrutura.
Os operarios precipitábanse ao chan cando o andamio derrubouse como consecuencia do impacto.
O ferido que presentaba danos de maior gravidade foi atendido no lugar do accidente por unha ambulancia medicalizada e, posteriormente, foi trasladado ao Complexo Hospitalario Universitario de Santiago.
A empresa que realizaba estes traballos de reparación é Alupa Canal, con sede social en Pontevedra.
Relacionadas:
-
CCOO concéntrase ante o monolito ás vitimas do Villa de Pitanxo e reivindica seguridade no traballo
Por Anxo Lourido |
-
O servizo de Emerxencias de Sanxenxo realizou 854 intervencións no que vai de ano
Por Redacción |
-
Cae do tellado dunha vivenda de Dorrón na que estaba traballando
Por Redacción |
-
Un operario ferido nun accidente laboral nas obras do depósito de Padriñán
Por Oskar Viéitez |