Ponte Caldelas sobe o IBI ao 0,45 e implanta unha taxa de vaciado de fosas sépticas
Por Redacción
Do mesmo xeito que xa fixeron outros concellos, entre eles Marín ou Sanxenxo, o de Ponte Caldelas aprobou a suba do recibo do imposto de bens inmobles, o coñecido como o IBI.
O incremento dos gastos para manter os servizos públicos do municipio está detrás desta decisión de modificar a ordenanza deste imposto, aplicando un pequeno incremento.
Os contribuíntes pasarán de pagar un coeficiente de 0,40 ao 0,45.
Esta medida irá acompañada, con todo, cunha serie de exencións e bonificacións.
Así, estarán exentos de pagar o IBI os propietarios de bens comunais e montes veciñais en man común, de superficies de monte con especies de crecemento lento ou os bens de entidades sen fins lucrativos.
Ademais, terá unha bonificación do 95% os que teñan que tributar por bens rústicos das cooperativas agrarias e dun 20% todos os titulares de familia numerosa que estean empadroados no concello.
VACIADO DE FOSAS SÉPTICAS
O Concello aprobou ademais unha nova ordenanza de vaciado de fosas sépticas. Terá un custo de 55 euros por vaciado e comenzará a funcionar en decembro, logo dun mes de exposición pública.
O goberno municipal defende que esta medida se pon en marcha para axudar aos veciños do rural das aldeas que non teñen alcantarillado. Así, os interesados só terán que solicitalo no Concello e pagar a tasa no banco.
Relacionadas:
-
O Concello de Meaño vese "forzado" a subir o IBI
Por Redacción |
-
Forzáns pide á Xunta un acceso peonil seguro que conecte a parroquia con Caritel
Por Oskar Viéitez |
-
Marín subirá o IBI e a viñeta e estuda facer o mesmo coa taxa de abastecemento e saneamento
Por Redacción |
-
O goberno municipal aproba en solitario a suba do IBI e da viñeta en Sanxenxo
Por Redacción |