Xa está dispoñible o segundo dos programas desta segunda tempada de 'Boomer o último'. O pasado setembro Jesús Fontanes e Marcial Outeda regresaban aos micrófonos co seu máis que particular volta ao cole e para esta ocasión, queda avisado todo o mundo... dan a nota!.
Os discos dos 90 son o tema protagonista deste podcast no que traen debaixo do brazo os seus vinilos preferidos daqueles anos e outros que igual non o foron tanto e que por iso mandan directamente a 'O despezamento', a sección na que afían coitelos e na que non queda nada indemne.
Recordos musicais e de principio a fin, sempre, con sentido do humor. Iso si, este é un podcast non recomendado para quen careza do devandito sentido e deixan claro que é "apolítico, aconfesional, asexual, anormal, atrevido e tamén impertinente, imperfecto, impropio, impresentable e imprescindible".
'Boomer o último' pódese escoitar desde a ligazón que se adxunta e igualmente desde a web de PontevedraViva Radio, en la que se pode tamén descargar o programa.