Buscan un condutor que se deu á fuga en Portonovo tras atropelar unha octoxenaria dando marcha atrás
Por Natalia Puga
A Policía Local de Sanxenxo ten aberta unha investigación para investiguar un accidente no que, ao mediodía deste martes, un conductor se deu á fuga tras un atropelo en Portonovo.
Horas despois, a Policía Local logrou dar co paradoiro do suposto autor ao que apuntan as testemuñas, que non recoñece os feitos.
Segundo a información facilitada polo Concello de Sanxenxo, o accidente produciuse sobre as 12.00 horas na rúa San Benitiño de Portonovo.
O condutor estaba a realizar unha manobra de marcha atrás coa súa furgoneta cando atropelou unha veciña da zona de 80 anos que pasaba polo lugar.
A continuación, abandonou o lugar sen pararse a atender á ferida.
A muller sufriu un golpe nunha perna e foi trasladada ao hospital.
Segundo a información facilitada polo 112 Galicia, ata o lugar desprazáronse profesionais de Urxencias Sanitarias de Galicia-061, o GES de Sanxenxo e a Policía Local.